Dövlət Turizm Agentliyinin Bakı-Abşeron Regional Turizm İdarəsinin “Küçə sənətçiləri” layihəsinin iştirikaçıları haqqında “Küçə musiqiçiləri” adlı sənədli film hazırlanıb.
“Küçə sənətçiləri” layihəsinin iştirakçıları haqqında 30 dəqiqəlik qısametralı sənədli film "Azərbaycan Televiziya və Radio Verilişləri" Qapalı Səhmdar Cəmiyyətinin nəzdində Telefilm Studiyası tərəfindən ərsəyə gətirilib.
Filmin qəhrəmanları - Allahqulu Hüseynov, Tural Süleymanov, Elçin Rzayev, Sofiya Yakovleva və Elgiz Quliyev küçə sənətinə dair maraqlı faktlardan, gündəlik həyatlarından, layihədən öncə Bakı küçələrində bu istiqamətdə fəaliyyətlə məşğul olmağın çətinlikərindən, hazırda isə onlara bu sahədə dövlət dəstəyinin göstərilməsindən bəhs ediblər.
Qeyd edək ki, “Küçə musiqiçiləri” sənədli filmi “Mədəniyyət” telekanalının yayımlanıb. Filmin növbəti mərhələdə digər sənət sahələri ilə məşğul olan sənətçilər haqqında da çəkilməsi nəzərdə tutulur.
